Оюуны хүрдэн Кристалл ХХК-ны Ёс зүйн дүрэм
НЭГ. Нийтлэг үндэслэл
Оюуны хүрдэн Кристалл ХХК-ны Ажилтны дагаж мөрдөх ёс зүйн хэм хэмжээг тогтоох, Харилцагчидадаа ёс зүйтэй холбоотой аливаа асуудлыг энэхүү Оюуны хүрдэн Кристалл ХХК-ны ёс зүйн дүрмээр зохицуулна
1.1. Энэхүү ёс зүйн дүрмийн зорилго нь Монгол улсын хууль тогтоомж болон нийтээр хүлээн зөвшөөрөгдсөн ёс зүйн хэм хэмжээнд нийцүүлэн олон улсын тэргүүлэх туршлага, ирээдүйн чиг хандлага, компанийн онцлогийг үндэслэл болгон компанийн Хэрэглэгч, Худалдан авагч, Худалдагч , Ажилтанууд, Харилцагчдын ёс зүйн зарчим, хэм хэмжээг тодорхойлон тогтоож, ёс зүйн зохистой хэм хэмжээ, түүнийг дагаж мөрдөх ажлын орчин, арга барил, нөхцөл байдлыг хэвшүүлэх замаар компанийн Харилцагч Үйлчлүүлэгчдээ аливаад үнэнч шударга, бодитой, хариуцлагатай хандах зан байдлын төлөвшүүлэх, тэдний нэр төр, алдар хүнд, ажил хэргийн нэр хүндийг хамгаалах, болзошгүй алдаа зөрчлөөс урьдчилан сэргийлэх замаар нийгмийн хариуцлагатай Харилцагчидтай хамтран ажиллах, Улс нийгмийнхээ ёс зүйн үнэлэмж, үнэт зүйлийг хүндэтгэсэн хамт олон болгоход чиглэнэ.
1.2. Компани Хэрэглэгч, Худалдан авагч, Худалдагч, Ажилтан, Харилцагчдийнхаа нэр төрийг хүндэтгэн хамгаалж, тэднийг ижил тэгш боломж, Хөдөлмөрийн эрүүл аюулгүй цэвэр орчин нөхцлөөр хангана.
1.3. Хэрэглэгч, Худалдан авагч, Худалдагч, Ажилтан, Харилцагч бүр заавал биелүүлэх аюулгүй байдлын дүрэм журмуудыг дагаж мөрдөх, ажлын байрны аливаа эрсдэлийг үнэлж, компанийн удирдлагын анхааралд хүргэж ажиллана.
1.4. Компани нь бол Хэрэглэгч, Худалдан авагч, Худалдагч, Ажилтан, Харилцагч нарынхаа дунд нээлттэй нөхөрсөг тусч харилцан хүндэтгэлтэй өөдрөг зорилготой байх чанаруудыг дэмжиж ажиллана.
1.5. Компани ёс зүйтэй мэдлэг ур чадвартай иргэдэд үйлчилгээ үзүүлэх, тэднийг хөгжүүлэх, тогтвортой ажиллуулахад эрмэлзэнэ. Ажилтан ажил дээ Хэрэглэгч, Худалдан авагч, Худалдагч өсөж хөгжих нь түүний мэдлэг, ур чадвар болон гүйуэтгэлээс хамаарна. Компани, өөрийн үйлчлүүлэгчдэд хөдөлмөр эрхлэлтийн тэгш боломжийг олгоно.
1.6. Гүйцэтгэлийн үнэлгээний болон ёс зүйн стандартуудыг хослуулан баримтлах нь Ажилтан, Хэрэглэгч, Худалдан авагч, Худалдагчуудын ажлын цаг ашиглалтыг сайжруулахын зэрэгцээ ёс зүйтэй менежер байхад нөлөөлөх хүчин зүйл болно.
1.7. Ёс зүйн дүрэмд тусгасан хэм хэмжээ, зарчим нь ерөнхий бөгөөд компанийн бусад холбогдох бодлого, дүрэм, журам, заавар, Монгол улсын хууль тогтоомжтой хамт Хэрэглэгч, Худалдан авагч, Худалдагчд нь бүрэн уншиж, дагаж мөрдөх нь Ажилтан болон Харилцагч үүрэг юм.
Ёс зүйн дүрмээр зохицуулагдаагүй бусад зөрчил болон асуудлыг Монгол улсын хууль тогтоомж, компанийн дүрэм, журам, бодлого, зааврын дагуу шийдвэрлэнэ
ХОЁР. Үйлчлэх хүрээ
2.1. Энэхүү ёс зүйн дүрэм нь Компанийн Төлөөлөн Удирдах Зөвлөлийн гишүүд, Гүйцэтгэх удирдлагаас эхлэн компанийн үндсэн, дагалдах болон туршилтын хугацаагаар ажиллаж буй Ажилтнууд, Харилцагч, Гэрээ итгэмжлэлийн үндсэн дээр Компанийг төлөөлөх, зөвлөх зэргээр тус Компанийг төлөөлж буй бүх иргэнд (цаашид Ажилтан гэх)-д хамаарна
Энэхүү дүрэмд хэрэглэсэн дараахь нэр томъёог дор дурдсан утгаар ойлгоно.Үүнд
2.2.1. Нэгдмэл сонирхолтой этгээд гэж компанийн ажилтан ашгийн төлөө үйл ажиллагаагаар холбоотой хувь хүн, хуулийн этгээдийг,
2.2.2. Хувийн харилцаа холбоо гэж компанийн ажилтны эцэг эх, төрсөн ах эгч дүү, гэр бүлийн гишүүн, хамтран амьдарч, эхнэр нөхрийн эцэг эх, төрсөн ах эгч дүү, бусад нэгдмэл сонирхолтой этгээдийг
2.2.3. Авилга гэж Авилгын эсрэг бодлогод тусгайлан заасан этгээдийн албан тушаалын эрх мэдэл, үйл ажиллагаандаа мөрдөгдөх хууль тогтоомж, дүрэм журмыг зөрчин иргэн хуулийн этгээдээс хууль бус орлого хөнгөлөлт давуу байдал зэргийг үйлдэл эс үйлдэхүйгээр хувьдаа олж авсан буюу авах аливаа оролдлогыг,
2.2.4. Давуу байдал гэж Авилгын эсрэг бодлогод тусгайлан заасан этгээдийн албан тушаалын эрх мэдлээ урвуулан ашигласнаар хувь хүн, хуулийн этгээдэд бий болох эдийн болон эдийн бус ашигтай байдлыг,
2.2.5. Ашиг сонирхлын зөрчил гэж компани болон компанийн үйлчилгээ үзүүлж буй этгээд компанийн аливаа үйлчилгээ үзүүлэх үед компанийн ажилтны хувийн ашиг сонирхол харилцагчийн ашиг сонирхолтой зөрчилдөх болон тэдэнтэй тэгш шударгаар харьцаж ажил үүргээ хэрэгжүүлэхэд ямар нэг байдлаар нөлөөлж болохуйц байдлыг тус тус ойлгоно. Мөн аливаа этгээдийн санхүүгийн ашиг сонирхол ажилтны ажил үүрэг, гаргаж буй шийдвэрт шууд буюу ноцтой нөлөөлөхүйц байх тохиолдолд үүссэн зөрчил болон бусдын буюу өөрийн ашиг тусын тулд хувийн болон албан эрх үүргээ буруугаар ашиглах сэдэл бүхий үйлдэл, эс үйлдлийг хамруулж ойлгоно,
2.2.6. Хандив гэж компанийн албан тушаалтанд тодорхой зорилгоор, үнэ төлбөргүй, эсхүл нийтэд санал болгож байгаа хөнгөлөлтөөс илүү хөнгөлттэй үнээр санхүүгийн эх үүсвэр, эд хөрөнгө шилжүүлэх болон үйлчилгээ үзүүлэхийг,
2.2.7. Үйлчлүүлэгчийн эрх, эрх чөлөө гэж Үйлчлүүлэгчийн үндэс, угсаа, хэл, арьсны өнгө нас хүйс нийгмийн гарал байдал, хөрөнгө чинээ, эрхэлсэн ажил албан тушаал, шашин шүтлэг үзэл бодол, боловсрол зэргээр ялгаварлан гадуурхахгүй байх эрх, эрх чөлөөг,
2.2.8. Бэлэг гэж, аливаа этгээдэд өгч авч байгаа эд хөрөнгө, үйлчилгээ зэрэг ямар нэг санхүүгийн үр ашгийг,
2.2.9. Ёс зүйн хороо гэж Компанийн ёс зүйн хорооны ажиллах журам-д заасны дагуу үйл ажиллагаа явуулах хороог,
ГУРАВ. Ёс зүйн зарчим хэм хэмжээ
3.1. Ажилтан үйл ажиллагаандаа дор дурдсан зарчмыг баримтлан ажиллана. Үүнд
3.1.1. Үнэнч шударга байх зарчмыг, дээдлэн хэзээ ямагт аливаа асуудалд хандахдаа ямар нэгэн нөлөөнд үл автах хараат бус байдлаа хадгалж компанийн эрх ашиг, нэр төрийг өөрийн болон бусдын эрх ашиг нэр төрөөс эрхэмлэн үзэж Монгол улсын үндсэн хууль банкны тухай хууль, мөнгө угаах болон терроризмыг санхүүжүүлэхтэй тэмцэх тухай хууль болон бусад холбогдох хуулийг ямагт дээдлэн сахих, компанийн холбогдох заавар журам бодлого, түүнчлэн нийтээр хүлээн зөвшөөрөгдсөн ёс зүйн хэмжээг дагаж мөрдөнө.
3.1.2. Мэргэшсэн чадварлаг тэргүүлэгч компани байх зарчмыг, удиртгал болгон эрхэлсэн ажил үүргээ мэргэжлийн өндөр түвшинд, урт чадвартайгаар гүйцэтгэж, тухайн зах зээл, мэргэжлийн ажилтнуудын тэргүүлэх түвшинд үйл ажиллагаагаа явуулна.
3.1.3. Харилцагчийн нууц хадгалах зарчмын, дагуу харилцагчийн хувийн болон гэр бүл, эд хөрөнгө бизнесийн үйл ажиллагаа, дансны гүйлгээ үлдэгдлийн мэдээлэл, төлөвлөгөө зэрэг харилцагчийн аливаа нууцыг чандлан хадгалж тэдгээрт дээд зэргийн чанартай үйлчилгээг үзүүлнэ
3.1.4. Багийн хамтын ажиллагааны зарчмын, дагуу өөрийн хамтран ажиллагсад удирдлагын хууль ёсны эрх ашгийг хүндэтгэн үзэж тэднийг сонсох, өөрийн мэдэж буй мэдээллээр хангах, багийн хамт олны оновчтой тэгш оролцооны үндсэн дээр Компанийн брэндийг бүрдүүлж, хадгалж ажиллана
3.1.5. Бусадтай хүндэтгэлтэй харьцах зарчмыг удирдлага болгон ажилтан бүр өөрийн итгэл үнэмшил, үзэл бодолтой байж, бусад ажилтнуудын ажил, албан тушаалын байдлаас үл хамааран эрх тэгш, ёс зүйтэйгээр зүй ёсоор хүндэтгэлтэй харилцаж, Оюуны хүрдэн Кристалл компанийн соёлын стандартыг мөрдөж ажиллана
3.1.6. Шаргуу дайчин байх зарчмын дагуу өөрийн эрхэлсэн ажил, хүлээсэн үүргээ гүйцэтгэх явцад тулгарч болох хүндрэл, бэрхшээлээс үл шантарч, хүссэн үр дүндээ хүрэхийн төлөө өөрийн мэдлэг, ур чадвараа бүрэн дайчлан, хариуцсан ажлаа цаг тухайд нь чанартай, хариуцлагатай бүрэн гүйцэтгэж ажиллана.
3.1.7. Шинэлэг бүтээлч шинийг эрэлхийлэгч байх зарчмын дагуу өөрийн эрхэлсэн ажил, хүлээсэн үүргээ илүү чанартай хүртээмжтэй, үр дүнтэй болгох,.компанийн эрх ашиг, нэр хүнд, брэндийг сайжруулах талаар байнгын эрэлхийлэгч байж, санал дэвшүүлж, хувь нэмрээ оруулж ажиллана
3.1.8. Хариуцлага хүлээх чадвартай байх зарчмын дагуу компанийн дээд удирдлагаас эхлээд бүхий л түвшний ажилтан тэдгээрийн албан тушаалаас үл хамааран хариуцлага хүлээдэг байна.
3.1.9. Мэдээллийн ил тод байх зарчмын дагуу Ажилтан бүр Ёс зүйн дүрмийг сахих бөгөөд ёс зүйгүй, зүй бус аливаа үйлдлийг ажигласан тохиолдолд холбогдох албан тушаалтан мэдэгддэг байна.
3.1.10. Шударга өрсөлдөж байх зарчмын дагуу компани ёс зүйтэй өрсөлдөгч байна. Ажилтнууд Компанийн бүтээгдэхүүн үйлчилгээ борлуулахдаа түүний давуу тал, чанар үр өгөөж зэргийг баримтлан харилцагчид санал болгоно. Компани бие даан үнийн бодлого баримтлан өрсөлдөгч байгууллагын үйл ажиллагаатай шударга бусаар хамтрах, зохицуулах чиг хандлага гарахгүй байна.
3.2. Тусгайлсан хэм хэмжээ. Ажилтан нь Компанийн өмнө хүлээсэн үүргээ биелүүлэхийн зэрэгцээ дорхи тусгайлсан хэм хэмжээг дагаж мөрдөнө. Үүнд:
3.2.1. Дотоод хяналтын үйл ажиллагаа, дотоод болон гадаад аудитын үйл ажиллагаанд зүй бусаар нөлөөлөх, зальдах, төөрөгдүүлэх үйлдэл гаргахгүй байх,
3.2.2. Ажилтны эрх, эрх чөлөөг хүндэтгэнэ. Ажилтан ажлын болон ажлын бус цаг, орчинд ч ялгалгүй бүдүүлэг үг хэрэглэх, заналхийлэх, зүй бус авир гаргахыг хориглох бөгөөд Оюуны хүрдэн Кристалл компанийн соёлын стандартыг дагаж мөрдөх,
3.2.3. Аливаад үнэнч шударга байж, компанийн аль ч түвшний ажилтантай эрх тэгш харилцаж хүндэтгэх,
3.2.4. Компанийн нэр хүндийг эрхэмлэн үзэж, харилцагчийн итгэлийг дааж ашиг сонирхлын зөрчил үүсэх нөхцөл байдлаас ангид байж ажиллах
3.2.5. Өөрийн албан тушаалын эрх мэдлээ урвуулан ашиглахаас татгалзах,
3.2.6. Гарын үсэг зурах, компанийн албан бичгийн хуудас тэмдэг тамгыг хэрэглэхдээ компанийн бодлого, дүрэм, журам зааврыг дагаж мөрдөх,
3.2.7. Удирдах ажилтан бусдад шилжүүлсэн ажил үүрэгтээ хяналт тавьж, тэдгээрийг баталгаажуулж байх бөгөөд хариуцлагыг бүхэлд нь хариуцах,
3.2.8. Бусад хамтран ажиллагсдын соёлын ялгаатай байдлыг хүндэтгэх бөгөөд тэдгээрийн нэр төр алдар хүндэд халдахгүй байх,
3.2.9. Компанийн тоног төхөөрөмж болон бусад хөрөнгийг хамгаалах, ажил үүргийн хүрээнд зохистой ашиглах хэрэглэх,
3.2.10. Дотоод мэдээллийг ашиглан арилжаа хийсэн, хуурч мэхэлсэн, харилцагчийн мөнгө, хөрөнгийг ашигласан, бэлэн мөнгө, үнэт цаас, алтыг дутаасан, үрэгдүүлсэн, ашиглахаар завдсан зэрэг асуудлыг мэдсэн, ажигласан, харсан, сонссон даруйд удирдлага болон Хуулийн газарт мэдээлэх,
3.3. Доор дурдсан үйлдэл хийсэн тохиолдолд ёс зүйн зөрчил үйлдсэнд тооцно. Үүнд:
3.3.1. Авилга хээл хахууль өгөх авах
3.3.2. Албан тушаалаа урвуулан ашиглах
3.3.3. Гэмт хэрэг
3.3.4. Хуйвалдаан
3.3.5. Луйвар
3.3.6. Хууран мэхлэлт
3.3.7. Айлган сүрдүүлэлт
3.3.8. Бэлгийн хүчирхийлэл
3.3.9. Бусдаар зүй бус үйлдэл, эс үйлдэхүй хийлгүүлэхээр шаардсан, дарамталсан
3.3.10. Санхүүгийн баримт, тайланг хуурамчаар үйлдэх
3.3.11. Харилцагч, холбогдох этгээд, хамтран ажиллагч байгууллагын данс, түүний мэдээлэлд зөвшөөрөлгүйгээр хандах, нөхцөл бололцоо олгох,
3.3.12. Мөнгө угаалт болон терроризмыг санхүүжүүлэх болон холбоотой үйл ажиллагаанд оролцох,
3.3.13. Компанийн хэвийн үйл ажиллагаа болон нэр хүндэд хохирол учруулсан, учруулж болзошгүй үйлдэл, эс үйлдэхүй гаргах,
3.3.14. Нийтээр хүлээн зөвшөөрөгдсөн ёс суртахууны хэм хэмжээ, компанийн ёс зүйн хэм хэмжээг зөрчсөн үйлдэл, эс үйлдэхүй гарах,
3.3.15. Компанийн хөдөлмөрийн дотоод журам болон бусад холбогдох заавар журамд дүрэм, бодлогыг зөрчсөн үйлдэл, эс үйлдэхүй гаргах,
3.3.16. Монгол улсад хүчин төгөлдөр мөрдөгдөж буй хууль, тогтоомжийг зөрчсөн үйлдэл, эс үйлдэхүй гаргах,
ДӨРӨВ. Компани доторхи харилцаа
4.1. Компани өөрийн үнэт зүйлсийн нэг болсон харилцагчдаа хүндэтгэлтэй хандаж, тэдний нэр төр, алдар хүндийг эрхэмлэнэ,
4.2. Компанийн Ажилтнууд болон Харилцагч нар мэдлэг ур чадвараа байнга хөгжүүлэх боломжоор тэгш хангагдана,
4.3. Компани ажлын байрны тэгш, шударга боломжоор хангах, нас хүйс, арьсны өнгө, нийгмийн гарал, үүсэл, соёл, итгэл үнэмшил, улс төрийн болон бусад үзэл баримтлал, яс үндэс, өмч хөрөнгө, хөдөлмөрийн чадвар, бэлгийн чиг хандлага, үндэс угсаа, гэр бүлийн байдал, хөгжлийн бэрхшээлээр ялгаварлан гадуурхах явдлыг үл тэвчих зарчим баримтална
4.5. Ажилтнууд Менежерүүдийн хоорондын харилцаанд баримтлах ёс зүйн шаардлагууд. Үүнд:
4.5.1. Албан тушаалын байдлаас үл хамааран ажилтнууд хоорондоо хүндэтгэл, харилцан итгэлцэл дээр суурилсан ажлын харилцааг бий болгохыг зорьж ажиллана,
4.5.2. Ажилтан бүр хамтран ажиллагсдынхаа соёлын ялгаатай байдлыг хүндэтгэх үүрэгтэй,
4.5.3. Ажилтан хамтран ажиллахаас үндэслэлгүйгээр татгалзах, компанийн үйл ажиллагааг саатуулах, буруу мэдээлэл хүргүүлэхийг хориглоно
4.5.4. Ажилтан нь бусад ажилтны эрх, эрх чөлөөнд халдах үйлдэл хийхийг хориглох бөгөөд ямар ч түвшинд үл ойшоосон байдлыг ажлын байран дээр гаргахыг хориглоно,
4.5.5. Бусад Ажилтны эрүүл мэндийн болон хувийн мэдээллийн нууцыг хадгална. Ажилтан өөрөө зөвшөөрөөгүй бол Ажилтны хувийн мэдээллийг бусдад задруулах, өгөх, бусадтай ярилцахыг хориглоно,
4.5.6. Ажилтан нь бусад ажилтны нэр төр алдар хүнд ажил хэргийн нэр хүндийг гутаах сэтгэлзүйн дарамт үзүүлэх, аливаа хэлбэрийн дарамт шахалт үзүүлэхийг хориглоно,
4.5.7. Хэрвээ ажилтан нь аливаа хэлбэрийн дарамтад өртөж буй ажилтны талаар мэдсэн бол нөхцөл байдлын талаар компанийн удирдлагад
мэдэгдэж туслалцаа үзүүлэх үүрэгтэй, хэрэг явдал нөхцөл байдлын талаар мэдсэн ажилтан мэдээлэхгүй байх талаар ямар нэгэн арга хэмжээ авахыг хориглоно,
4.5.8. Компанийн дүрэм, бодлого, заавар журмыг мөрдөх асуудал нэн түрүүнд компанийн ажилтнуудад хамаарах тул тэдгээрийг зөрчигдөж байна гэдгийг мэдэж байгаа боловч түүнийг зөрчих эсвэл түүнийг зөрчүүлэхээр аль нэг ажилтанд хүсэлт тавих нь компанийн ажилтны ёс зүйд үл нийцнэ
4.6. Харилцагчтай харилцах харилцаанд тавигдах ёс зүйн шаардлага:
4.6.1. Харилцагчтай харилцахдаа Оюуны хүрдэн Кристалл компанийн үйлчилгээний журам, гэрээг дагаж мөрдөнө,
4.6.2. Тусгай анхаарал шаардсан харилцагчид үйлчлэхдээ үйлчилгээний дараалал, ажлын ачааллаас үл харгалзан нөхцөл байдлыг ойлгож аль болох түргэн шуурхай, чирэгдэлгүй, найрсаг, эелдэг байдлаар соёлтой, халамжтай, мэдрэмжтэй хандаж үйлчлүүлэгчийн хэрэгцээ шаардлагыг таньж ажиллана,
4.6.3. Харилцагчаас ирсэн гомдлыг компанийн холбогдох заавар журамд заасны дагуу шуурхай шийдвэрлэнэ
4.6.4. Худалдан авах гэрээний дагуу шийдвэр гарахаас өмнө түүнд олгох бүтээгдэхүүний талаар мэдээллийг бүрэн өгөх үүрэгтэй,
4.6.4. Ямар ч тохиолдолд үйлчилгээ үзүүлсний төлөө ажилтан нь шан харамж авах, өөртөө давуу байдал бий болгохыг хориглоно,
4.7 мэдээллийн нууцлал
4.7.1. Мэдээллийн нууцлалыг хадгалах үүрэг нь Ажилтны ажлын байр болон түүнээс гадуур, мөн ажлын ба ажлын бус цагаар үйлчилнэ,
4.7.2. Ажилтан нь аливаа санхүүгийн хэрэгслийн талаар, бүтээгдэхүүн борлуулалтын талаар олж явсан мэдээллийг дамжуулах задруулахыг хориглох бөгөөд хэрвээ дамжуулсан задруулсан бол компанийн дотоод журам, холбогдох хууль тогтоомжийн дагуу хариуцлага хүлээлгэнэ.
4.7.3. Ажилтан нь Компанийн эрх бүхий албан тушаалтны зөвшөөрлөөр, холбогдох хууль тогтоомж, компанийн дүрэм, журам, зааварт нийцүүлэн компанийн болон харилцагчийн мэдээллийг эрх бүхийэтгээдэд өгч болно
4.7.4. Ажилтан нь, Гүйцэтгэх захирлын тушаалаар батлагдсан компанийн нууцын жагсаалтанд дурдагдсан мэдээлэл нууцлалыг чанд хадгалах үүрэгтэй,
4.7.5. Ажилтан нь хамтран ажиллагч байгууллагын мэдээлэл, баримт бичигтэй холбоотой мэдээллийг олж мэдсэн бол энэ тухай олон нийтэд мэдээлэхгүй нууцыг хадгалах үүрэгтэй
4.8. Тайлан мэдээ гаргах
4.8.1. Ажилтны гаргасан, бэлдсэн, боловсруулсан, мэдээлсэн өгөгдөл, мэдээлэл, тайлан бүртгэл нь бүрэн үнэн зөв байна. Тэдгээрийг бүрэн үнэн зөв эсэхийг нотлох бүхий л гүйлгээ, үйл ажиллагаануудыг батлах хангалттай эх баримттай байна,
4.8.2. Ажилтанд компанийн дотор болон компаниас гадагш илгээх зориулалт бүхий мэдээлэл бүртгэл бусад бичиг баримтуудыг цахим шууданг өөрийн мэдлэг ур чадвараа бүрэн дайчлан стандартын дагуу агуулга болон хэлний найруулга зүйн өндөр төвшинд бодитой үнэн зөв боловсруулна,
4.8.3. Хууль дүрэм зөрчсөн болон шүүхээр шийдвэрлэж байгаа асуудлуудтай холбоотой эсвэл төр захиргааны байгууллагын шалгалт үйл ажиллагаанд шаарддаг мэдээлэл бүртгэл тайлан нотлох баримтыг санаатай болон санамсаргүй алга болгохыг хориглоно
4.9. Согтууруулах мансууруулах бодисыг хориглох
4.9.1. Ажлын байранд согтууруулах мансууруулах болон сэтгэцэд нөлөөлөх хориотой бодисуудыг хадгалах, ашиглах, хэрэглэх, борлуулах, үйлдвэрлэх, тараах, эзэмшихийг хатуу хориглоно,
4.10. Мөнгө угаах болон терроризмыг санхүүжүүлэхийг хориглох
4.10.1. Ажилтан нь Монгол улс мөнгө угаах болон терроризмыг санхүүжүүлэхтэй тэмцэх тухай хууль, Монгол банк болон Банкны Мөнгө угаах болон терроризмыг санхүүжүүлэхтэй тэмцэх, Оюуны хүрдэн Кристалл компанийн журмыг мөрдөж ажиллана.
4.11. Ажилтны биеэ авч явах зан үйл:
4.11.1. Ажилтан нь Оюуны хүрдэн Кристалл компанийн соёлын стандартыг дагаж мөрдөнө,
4.11.2. Ажилтан нь компанийн нэрийн өмнөөс аливаа харилцаанд оролцож байгаа үедээ өндөр соёлтой харилцах бөгөөд ажлын байрны тодорхойлолтонд заагдсан үүрэгт ажлаа гүйцэтгэж байх үедээ стандартын дагуу биеэ зөв боловсон авч явна,
4.11.3. Ажилтан нь хамт олноо хүндэтгэн, соёлтой харилцан хувйин харилцаа холбоо үүсгэхээс татгалзах,
4.11.4. Ажилтан нь учирч болох аливаа эрсдлээс урьдчилан сэргийлж, ажлын цагаар ажлын байраа орхиж явахгүй байх, зайлшгүй тохиолдолд компанийн дотоод журамд заасны дагуу зохих чөлөө, зөвшөөрөл авна,
4.11.5. Ажилтан нь бүдүүлэг зан авир гаргах, өндөр чанга дуугаар маргалдах, доромжлох, бусадтай зүй бус харьцах, бусдын эд зүйлийг зөвшөөрөлгүй авч ашиглахыг хориглоно,
4.11.6. Ажилтан ажлын бус цагаар хийж буй үйлдэлдээ хянуур сэрэмжтэй өндөр соёлтой байж соёлын стандартын дагуу компанийн нэр хүндийг хамгаалах
4.11.6. Ажилтан нь ажлын болон ажлын бус цагаар хувийн гэрээ хэлцэл, үйл ажиллагаандаа компанийн нэрийн өмнөөс оролцох, түүнийг төлөөлөх эрхгүй бөгөөд тийм ойлголтыг гуравдагч этгээдэд төрүүлэхийг хориглоно
4.11.7. Ажилтан нь хуваариа болон бусадтай хамтран компанитай өрсөлдөхүйц бизнес эрхлэх, өөр бизнесийн байгууллагад үйлчилгээ үзүүлэхийг хориглоно,
4.11.8. Ажилтан нь ажлын цагаар хөдөлмөрийн гэрээ, ажлын байрны тодорхойлолтонд зааснаас бусад өөр төрлийн ажил үйлчилгээ хийхийг хориглоно
4.12. Ашиг сонирхлын зөрчил
Ажилтан нь өөрийн ашиг сонирхол болон компани түүний хувьцаа эзэмшигч харилцагчийн ашиг сонирхлын хооронд зөрчил үүсгэж болохуйц аливаа нөхцөл байдлаас ангид байна.
Дараа тохиолдолд ашиг сонирхлын зөрчилтэй гэж үзнэ.
4.12.1. Ажилтан нь компанийн хамтран ажиллагч, түнш болон үйлчилгээ үзүүлэгч байгууллагуудтай хувийн харилцаа тогтоох,
4.12.2. Ажилтан, компанийн өрсөлдөгч болон нийлүүлэгч, гэрээт, хамтран ажиллагч компануудийн хувьцааг дангаар болон өөрийн нэгдмэл сонирхолтой этгээдээр дамжуулан бүхэлд нь эсвэл хэсэгчлэн эзэмших
4.12.3. Компанийн харилцагч өрсөлдөгч нийлүүлэгч тэдгээрийн хувьцаа эзэмшигчдээс шууд болон шууд бус эдийн засгийн болон санхүүгийн ашиг сонирхолтой байх,
4.12.4. Хамаарал бүхий болон нэгдмэл сонирхолтой этгээдийн хооронд хийх аливаа гэрээ хэлцэл
4.12.5. Ажилтан нь компаниас гадуур төстэй ажиллагаа эрхлэх,
Ажилтан нь ашиг сонирхлын зөрчлөөс үүсэх эрсдэлтэй нөхцөл байдал үүссэн үед энэ тухайгаа хүний нөөцийн газарт нэн даруй бичгээр мэдэгдэх үүрэгтэй
4.13. Судалгаа шинжилгээний ажил
4.13.1. Ажилтан өөрийн ажил мэргэжилтэй холбоотой чиглэлээр компанийн хөдөлмөрийн дотоод журам, нууцын зааварт нийцүүлэн судалгаа шинжилгээ лекц унших, ном бичих, эрдэм шинжилгээний ажил хийж буй үед түүний ажлыг нь компанийн зүгээс бүрэн дэмжиж ажиллана,
4.13.2. Ажилтан нь ажил үүргээ гүйцэтгэх болон бусад үед олж авсан компанийн аливаа мэдээллийн нууцлалыг хадгалах үүрэгтэй,
4.13.3. Мэдээллийн нууцыг хадгалах үүрэг нь ажлын цаг, ажлын бус цагаар төдийгүй ажлын байр болон ажлын байрнаас гадуур нэгэн адил үйлчилнэ,
4.13.4. Компаний нууцыг хадгалах үүрэг нь Ажилтан ажлаас чөлөөлөгдсөн ч нэгэн адил үргэлжилнэ. Нууцыг задруулсанаас үүсэх хохирол үр дагаврыг ажлаас халагдсан эсэхээс үл хамааран биечлэн хариуцна
4.13.5. Ажилтан нь хэвлэл мэдээлэлтэй холбоотой, тэдгээрийн аливаа хүсэлтийн талаар маркетингийн газарт хандана,
4.13.5. Ажилтан нь өрсөлдөгч байгууллагын сурталчилгаанд оролцохыг хориглоно.
4.13.6. Ажилтан нь компанийн нэр хүндийг унагах, аливаа мэдэгдэл сурталчилгаа хийх улс төрийн үзэл бодлын үүднээс тайлбар хийхийг хориглоно
4.13.7. Ажилтан нь компанийн үйл ажиллагаатай холбоотой сөрөг сэдэл төрүүлэхүйц мэдээллийг олон нийтийн мэдээллийн суваг фв twitter instagram зэрэг цахим сувгаар тараахыг ажилтанд хориглоно
4.13.8. Компаниас албан ёсоор нийтэд ил болгосон мэдээллийг дээрх олон нийтийн мэдээллийн сувгууд үндсэн утга агуулгыг гуйвуулахгүй дамжуулах бүх боломж нээлттэй
4.13.9. Компанийн талаарх сөрөг мэдээлэл олон нийтийн мэдээллийн сувгаар түгээгдэж байгааг мэдсэн ажилтан, түүний эх сурвалж болон бусад мэдээллийг маркетингийн газарт мэдэгдэнэ
ТАВ. Ёс зүйн хэм хэмжээг төлөвшүүлэх
5.1. Ёс зүйн хэмжээг дагаж мөрдөх нь компанийн ажилтан байх, албан тушаал дэвшүүлэх, шагнаж урамшуулахад харгалзах үзүүлэлт болно,
5.2. Ажилтан нь өөрийн ёс зүйн төлөвшлийг хариуцах бөгөөд компани ажилтнуудын ёс зүйгээ сахин биелүүлэх боломж нөхцлийг бүрдүүлнэ,
5.3. Ажилтан бүр.нь компанийн ёс зүйн дүрмийн,
ёс зүйн батламжтай бүрэн танилцаж хүлээн зөвшөөрсний үндсэн дээр компанитай байгуулсан хөдөлмөрийн гэрээ болон ажлын байрны тодорхойлолтод заасан ажил үйлсдээ Монгол улсын хууль тогтоомж, Оюуны хүрдэн Кристалл компанийн дүрэм заавар журмыг хүлээн зөвшөөрсөн үед ёс зүйн хэм хэмжээг мөрдөж ажиллахаа батламжилж гарын үсэг зурна,
5.4. Компанийн ёс зүйн хороо нь Хүний нөөцийн газартаа хамтран компанид шинээр ажилд орж байгаа ажилтнууд компанийн ёс зүйн хэмжээ байгууллагын соёлыг таниулах, хэвшүүлэх, мөрдлөг болгох зорилгоор сургалтыг хамтран зохион байгуулах,
5.5. Компанийн Ажилтнуудад ёс зүйн талаарх ойлголт, ёс зүйн хэм хэмжээг сэргээн санах, улмаар мөрдөж ажиллан ёс зүйтэй Ажилтан байхад нь туслах зорилгоор холбогдох сургалтыг уулзалт тэнхим хэлбэрээр зохион байгуулах,
5.6. Компанийн Ажилтнууд ёс зүйн талаарх зөвлөмж, уриалга, постер, видео контэнт зэргийг Ажилтануудад түгээж таниулах,
5.7. Шаардлагатай тохиолдолд харилцагчдтай уулзалт хийж тухайн багийн гишүүдэд ёс зүйн талаарх зөвлөмж зөвлөгөөг сургалт хэлбэрээр өгч ажиллах,
5.8. Мөн харилцагч нар ёс зүйтэй ажиллаж байгаа эсэхэд хяналт тавьж тэдгээрт компанийн ёс зүйн хэмжээг төлөвшүүлэхэд анхаарч ажиллах
ЗУРГАА. Хариуцлага
6.1. Ёс зүйн дүрмийг зөрчсөн Ажилтны үйлдэл, эс үйлдэхүй нь гэмт хэргийн болон зөрчлийн шинжтэй бол компани хууль хяналтын байгууллагад хандаж шалгуулна,
6.2. Ёс зүйн дүрмийг зөрчсөн холбогдох ажилтнууд үйлдэл эс үйлдэхүйд эрүүгийн болон зөрчлийн хариуцлага хүлээлгэсэн эсэхээс үл хамааран компани хөдөлмөрийн тухай хууль, компанийн хөдөлмөрийн дотоод журамд заасны дагуу сахилгын шийтгэл ногдуулна 6.3. Дүрмийг зөрчсөн Ажилтны үйлдэл, эс үйлдэхүй нь компанийн эд хөрөнгөд хохирол учруулсан бол түүнд сахилгын, зөрчлийн, эрүүгийн хариуцлага хүлээлгэсэн эсэхээс үл хамааран компани эд хөрөнгийн бүрэн хариуцлага хүлээлгэнэ,
6.4. Дүрмийг зөрчсөн рьсон ажилтны үйлдэл, эс үйлдэхүй нь компанийн ажил хэрэгийн нэр хүндэд хор хохирол учруулсан бол уг гэм хорыг ажилтан хариуцан арилгана
Оюуны хүрдэн Кристалл ХХК-ны ёс зүйн дүрмийн Хавсралт 1
ЁС ЗҮЙН БАТЛАМЖ
............................................................................................................................................
Оюуны хүрдэн Кристалл ХХК-ны Ажилтан ........................................ овогтой ..........................нэр ...........................( регистрийн дугаар) миний бие Оюуны хүрдэн Кристалл ХХК-тай байгуулсан Хөдөлмөрийн гэрээ болон ажлын байрны тодорхойлолтонд заасан ажил, үүрэг гүйцэтгэхдээ Монгол Улсын хууль тогтоомж, Оюуны хүрдэн Кристалл компанийн ёс зүйн дүрэм, бодлого, заавар, журам, нийтээр хүлээн зөвшөөрсөн хэм хэмжээг мөрдлөг болгон өндөр ёс зүйтэй ажлын орчныг бүрдүүлэн ажиллах бөгөөд харилцагч, хамт олон, ажил олгогчийн итгэлийг дааж, аливаад үнэнч шударга хариуцлагатай хандаж, тэдний нэр хүндийг хамгаалж, болзошгүй алдаа зөрчлөөс урьдчилан сэргийлэн ажиллахаа нэр төртэйгээр батламжилж байна.
Хэрвээ, энэхүү батламжийг зөрчсөн тохиолдолд Хөдөлмөрийн тухай хууль болон хөдөлмөрийн гэрээнд заасны дагуу ажил олгогч нэг талын санаачлагаар хөдөлмөрийн гэрээг хугацаанаас нь өмнө цуцалж, дуусгавар болгох эрхтэй болохыг үүгээр хүлээн зөвшөөрч байгаа болно.
Батламжилсан огноо:
Овог нэр: